Tuesday, May 14, 2013

Brúnar oops-ís kökur

Munið þið ekki eftir íssamlokunum, eða Óreó ískökunum ? Þessar dásamlegu súkkulaði oopsies rifja upp gamlar syndir alveg með det samme.  Uppskriftin átti upphaflega að vera með kremi á milli en mér fannst ískökur hljóma betur ! Enda sumarið handan við hornið ...
Súkkulaði ísköku-oopsies

 3 egg, aðskilja hvítur frá rauðu
 90 gr rjómaostur
 1/2 tsk vínsteinslyftiduft
 1 msk kakó
 3 msk Erythritol eða Xylitol (Now)
 
Stífþeyta hvítur sér og taka til hliðar.
 Rjómaostur og rauður þeytast svo saman ásamt sætuefninu, því næst fer kakóið og lyftiduftið í blönduna og að lokum veltið þið eggjahvítunum mjög varlega saman við deigið.
 Búið til litlar kökur á bökunarpappír, ca 1 msk f. hverja köku.
 Bakast í ofni í 30 mín á 180 gráðum.
 
 Fylling:
 1 peli rjómi
 2 msk sykurlaust súkkulaðisýróp (má sleppa en bæta þá við 1 msk af sætuefni)
 2 msk xylitol eða erythritol
 1/2 tsk vanilluduft.
 Blandið saman innihaldinu við rjómann í skál og þeytið svo allt vel saman þar til nokkuð þétt í sér.
 Sprautið fyllingunni á kökurnar, leggið 2 og 2 saman í samloku og frystið.

Það er líka hægt að gera þessar með hnetusmjörskremi:
 
100 gr rjómaostur
 1 msk kakó
 2-3 msk möndlusmjör(Monki) eða hnetusmjör
 sletta af rjóma til að þynna
 3 msk erythritol
 dash af salti

 allt þeytt saman í mixer og svo sprautað á kökurnar í staðin fyrir rjómann.
Ég prófaði líka að setja þetta krem ofan á ískökurnar sem var náttúrulega bara extra eðal og extra græðgi ...
 
Svo læt ég fylgja eina bollaköku fyrir örbylgjulovers ;) Þessi var æðisleg með kaffinu... mmm
 
 
 
Sítrónukaka í öbba, fyrir þá sem nota slíkt ;) kom á óvart.
 
 1 msk kókosolía
 1 egg
 1 tsk vatn
 1/2 tsk sítrónudropar
 2 msk erythritol eða annað sætuefni
 2 msk möndlumjöl
 1 msk kókoshveiti
 1 msk kókosflögur, mjög góðar frá Himneskri hollustu
 pínu salt
 Hrærið öllu saman og setjið í örbylgjuvænan bolla og hitið í 1 mín.
 Stráið pínu erythritol yfir og njótið með kaffibollanum. Yndi.
 
 

No comments:

Post a Comment