Pizza / satey

Ég er algjör hnetulover og satey sósa er mitt uppáhald. Einhverntíma prófaði ég að gera pizzu á tortillaköku með sateysósu og kjúkling og þvílíka snilldin sem það var. Hér er LKL útgáfa sem er bara góð og alls ekki ósvipuð gömlu góðu pizzunum á pönnukökunum. Sósan er svo heimagerð og alveg stórgóð og sykurlaus :)

Tortillur 10 stk ( rúllað út )

150 gr möndlumjöl (fínmalað t.d. Funksjonell)
5 msk Husk DUFT er í plastbauk frá NOW (ekki hægt að nota neitt í staðinn sorry)
1 tsk sjávarsalt
2 egg
250 ml vatn
1 tsk laukduft (valfrjálst)

(Má nota kókoshveiti líka þá helmingi minna og 4 egg )

Hrærið allt saman í skál og leyfið deiginu að verða svona gelkennt ( HUSKIÐ )
Skiptið því niður í 10 litlar kúlur og fletjið út á milli 2 pappírsarka verður að nota t.d. Pam sprey á milli.

Rúllið út og steikið svo kökurnar á heitri pönnu.

 

Sateysósan:

Blandið saman í potti það er fljótlegast.

1 msk sukrin gold
2 msk hnetusmjör
1 tsk zambal olek
þynnt með vatni

Hrært þar til réttri þykkingu er náð :)

Fyllingin:

3 msk kotasæla
1/2 rauðlaukur
1/2 rautt chilli
kjúklingaskinka eða eldaður kjúklingur
svartur pipar
muldar macadamiuhnetur eða pecan ( valfrjálst )
rifinn ostur

Sósan sett á kökurnar, fyllingin yfir og rifinn ostur settur yfir.

Skellt undir grillið í 200 gráðu heitum ofni og látið brúnast.