Monday, September 23, 2013

Saumaklúbbsrúllan góða

Jæja nú er rútínan að detta inn hjá flestum, börnin búin að tilkeyra pennaveskin og byrjuð að mæta á æfingar, sumarfötin komin í geymslu og vetrarstarfið og félagslífið að fara á fullt. Þótt heilsuræktin og hollt mataræði sé efst á baugi hjá mörgum þá sleppir maður ekki saumaklúbbnum og hittingum í vetur enda fátt hollara mannsálinni en að hitta vini og kunningja, spjalla og "hygge sig" Hér er uppskrift af rúllubrauði sem á svo sannarlega heima í næsta hitting og er þar að auki kolvetnalétt og góð viðbót á veisluborðið. Það þarf nú ekki að borða eintómar gúrkur og sellerí fram að jólum þegar hægt er að útbúa þessa elsku.Njótið !


Skinku og aspas rúlla
4 eggjarauður
4 eggjahvítur
125 gr sveppasmurostur
1 msk HUSK
1 tsk lyftiduft
 
Þeytið eggjahvíturnar sér og setjið til hliðar.
Setjið rauðurnar í hrærivélina ásamt sveppaostinum og þeytið vel, bætið Huski út í og þeytið áfram ásamt lyftiduftinu. Blandið því næst eggjahvítunum varlega saman við rauðurnar og hrærið þar til nokkuð kekkjalaust.
Smyrjið deiginu í stóran ferning á góðan smjörpappír og bakið í 180 gráðum í u.þ.b. 10 mín er þar til deigið er snertiþurrt. Takið þá bökunarplötuna úr ofninum og leyfið deiginu að kólna í 2-3 mín.


 


 
Fylling:
1 dós aspas, um 250 gr án vökva
 (veljið kolvetnalétta vöru ef hægt er, ég fann t.d. eina frá Hy TOP/ Samkaup)
2.5 g kolv í 100 gr
125 gr sveppasmurostur
100 gr silkiskorin skinka
1/3 rifinn villisveppaostur og 1 dl mosarellaostur, eða bara 2 dl mosarella ost,
salt og pipar
1/2 dl rjómi
paprikuduft
 
Hellið vökvanum úr aspasdósinni og saxið aspasinn aðeins niður í smærri bita.
Bræðið svo allt hráefnið í fyllinguna saman í potti nema skinkuna.
Dreifið því næst fyllingunni á deigið, dreifið skinkunni yfir og rúllið upp.
Stráið villisveppaosti/mosarella yfir og dálítlu paprikudufti og bakið áfram í 15 mín á 200 gráðum þar til rúllan er brúnuð og falleg.
 
Þetta er auðvitað bara tillaga að einni týpu af rúllubrauði, hægt er að skipta út smurosti fyrir t.d. pizzusmurost og breyta fyllingunni í pizzufyllingu með chorizo, pizzusmurosti, og tómatpúrru.
Eins er hægt að setja á þessa camenbert, hitaðann í rjóma, dreifa nokkrum paprikubitum yfir deigið og baka. Bera svo fram með chilisultu. Um að gera að prófa sig áfram.

2 comments:

  1. Er alveg hrikalegt að nota bara gróft HUSK í þetta? Eða er eitthvað annað sniðugt sem hægt er að nota í staðinn?

    ReplyDelete
  2. Nei það er allt í góðu lagi :) hef prófað báðar gerðir ;)

    ReplyDelete