Wednesday, May 14, 2014

Avocadolokan góða

Nýlega birtist uppskrift frá mér í Fréttablaðinu og fannst mér tilvalið að láta hana fljóta með hér líka. Ég hef gert nokkrar útgáfur af þessari en ég er alltaf að leita að hinni fullkomnu avocado grillsamloku :) pínu í anda Joe&the juice :) Þessi er nú orðin ansi lík frumgerðinni að mínu mati og sniðugt að útbúa nokkra skammta af þurrefnum í lítil plastílát og eiga til taks inni í skáp, þá þarf bara að bæta við eggi og grilla. Verði ykkur að góðu, þessi er fín út á sólpall í sumar með ísköldum drykk.




 
Avocadoloka:
1 msk sólkjarnafræ
1 msk sesamfræ
1 tsk HUSK
1 tsk Golden Flax seed meal
1 tsk Sesam mjöl
1/3 tsk lyftiduft
smá laukduft
salt
1 egg, (ef eggið er lítið þá má þynna meira með eggjahvítu eða möndlumjólk)
 
Aðferð:
Hrærið vel saman deiginu, hellið því svo í heitt brauðgrill og bakið í nokkrar mín.
Smyrjið svo brauðið með 1 tsk af grænu pestói, bætið við mosarella osti eða venjulegum brauðosti, 2 tómatsneiðum og hálfu avocadoi.
Sniðugt er að skera mosarella og avocado niður með eggjaskera til að flýta fyrir.
Raðið þessu á annan helming brauðsins, piprið með svörtum pipar og setjið hinn helminginn yfir.
Grilla nú brauðið í 2-3 mín í viðbót þar til allt er bráðnað og úsar út um allt :)
Uppáhaldsbrauðlokan mín komin heim í eldhús.

No comments:

Post a Comment